Поранешната пејачка на групата „Колонија“, Индира Левак вчера доживеала сообраќајна несреќа во Загреб, кога комбето во кое била со својот тим, удрил во автомобил од марката „цитроен“.
Пејачката и возачот од другото возило веднаш излегле од автомобилите, се тргнале на страна и разговарале како со договор да го решат овој проблем – пренесува „24sata.hr“.
– Индира на почетокот беше смирена, а подоцна се вознемири кога виде дека случајните минувачи ја препознаа – изјавил сведок на настанот.
Таа на социјалните мрежи ја сподели оваа информација и порача дека ништо нема да ја спречи да пристигне на договорениот настап во Љубљана.
