„Размазена“, „безобразна“ и „несвесна како изгледа вистински живот“ се само некои од описите кои со години се користат кога е во прашање Парис Хилтон.
Славната наследничка, старлета, ди-џеј и тв-лице пошироката слава ја стекна во ријалити програмот „Едноставен живот“, кога со својата пријателка Никол Ричи живеела на село без мобилен телефон, пари и гламур.
Прочуената емисија е емитувана со прекини од 2003 година до 2005 година, а сега Хилтон одлучи отворено да збори за тоа, откривајќи дека се тоа било глума.
„Знаев што правам, но целиот свет не знаеше, па беше многу фрустрирачки што ме доживуваат онаква каква што не сум“, објаснила Парис за магазинот People. „Но, тоа беше толку чудесна и забавна емисија што за неа размислував само како за забава“.
Таа додала дека очигледно не е лошо што сето тоа се одиграло баш така.
„Направив огромен бренд од сето тоа“, била искрена Парис.
„Очигледно, пораснав. Но, тоа што ме осудуваа и имаа толку предрасуди поради ликот кој го измислив беше фрустрирачки“, објаснила таа.
Прочуената наследничка потоа најавила документарна серија за себе која ќе го носи насловот „This is Paris“ во која таа ќе ја претстави вистинската себе, а открила и дека ќе видиме детали за нејзиниот живот кои досега ѝ биле непознати на јавноста.
