Иако јавноста беше запознаена со познатиот љубовен триаголник на Камила, Чарлс и Дијана во 90-тите, британските медиуми тврдат дека постоела уште една жена која го освоила срцето на Чарлс.
Принцезата Дијана во едно интервју изјавила дека една од причините зошто нејзиниот брак не функционира е тоа што во него имало три лица. Принцот Чарлс тогаш не ги криел чувствата кон Камила, во која се заљубил уште пред да ја запознае Дијана, но британските медиуми тврдат дека постоела уште една жена која исто така била голема љубов на Чарлс.
Таа жена била Дејл Канга Трајон, која била во брак со еден од најдобрите пријатели на Чарлс, лордот Ентони Трајон. Во документарниот филм од 2008 година „Другата љубовница на принцот Чарлс“, беа откриени детали од нивната врска за кои јавноста не знаеше.
Во документарецот Дејл беше опишана како голема и прва закана за Камила, а Чарлс јавно за неа рекол: „Единствената жена која навистина ме разбираше“.
Родена во Мелбурн, Дејл се преселила во Лондон во 1972 година и за неколку недели го запознала нејзиниот иден сопруг, лордот Ентони Трајон, за кого се омажила следната година. Со бракот влегла во светот на британската аристократија, која дотогаш и била непозната, а набрзо нашла пријател во принцот Чарлс.
Чарлс бил привлечен од нејзината убавина, забавниот дух и австралиската неформалност, поради што почнале да поминуваат се повеќе време заедно. Дејл ја обожавал и остатокот од семејството, па таа и лордот Трајон биле поканети во Балморал, каде што таа јавала со кралицата Елизабета Втора.
Извор близок до кралското семејство рекол: „Дејл беше многу внимателна кон Чарлс пред медиумите во текот на годините и ги негираше сите наводи дека некогаш била поврзана со принцот“.
Чарлс наводно во исто време додека бил со Дејл започнал романса со Камила, а експертите за љубовните врски на Чарлс во документарецот тврдат дека двете жени не се поднесувале една со друга.
Дејл и Камила на своите синови им го дале името Чарлс, а и на двете момчиња Чарлс III им бил кум.
Нивната романса наводно завршила затоа што Дејл имала намера да излезе во јавноста со деталите за нивната врска. Кралското семејство решило да стави крај на врската штом дознале за нејзините намери.
Дејл Трајон почина на 49-годишна возраст, три месеци по смртта на принцезата Дијана, по долга борба со болест.
