Американскиот веб-сајт Celebrity networth, кој се занимава со проценки на вкупниот имот и финансиските активности на познатите личности, направи листа на најбогати познати личности од поранешна Југославија.
Базата на податоци за нето вредност на „селебрити“ ги содржи и имињата на познати личности од поранешните југословенски простори, од светот на спортот, музиката и другите гранки на шоубизот, а покрај нивните биографии, тука е и проценетата вредност на нивниот имот.
Убедливо најбогата славна личност од „нашите“ простори е српскиот тенисер Новак Ѓоковиќ, чие богатство се проценува на 220 милиони долари.
По него е, верувале или не, Босанецот Дино Мерлин, кантавтор, музичар и продуцент, со нето вредност од 100 милиони долари.
На трето место е српска поп-фолк пејачка Драгана Мирковиќ, која има нето вредност од 100 милиони долари. Таа е родена во Касидол, Југославија во јануари 1968 година. Драгана е една од најуспешните уметници од поранешна Југославија, а популарна е и во Бугарија и Романија.
Драгана и нејзиниот сопруг се сопственици на сателитскиот балкански музички канал DM SAT, па веројатно најмногу им е оттука богатството.
Потоа следуваат: хрватскиот фудбалер Лука Модриќ – нето вредност од 75 милиони долари, Лепа Брена со вредност од 25 милиони долари, босанскиот фудбалер Един Џеко со вредност од 25 милиони долари, а зад него со 20 милиони се Горан Бреговиќ и Здравко Чолиќ.
