Руските сили во раните утрински часови уште еднаш го погодија пристанишниот град Одеса, во јужна Украина, објави шефот на воената управа на регионот, Сержи Брачук, пренесува Гардијан. Ракетниот напад се случил со помош на „стратешки авиони“, рече тој.
Минатата сабота, само 12 часа по потпишувањето на договорот со Киев за извоз на жито од јужните пристаништа на Украина, Русија ја бомбардираше Одеса со крстосувачки ракети.
И не само Одеса. Харков утрово беше погоден од руско бомбардирање. Градоначалникот Игор Терехов изјави дека нападот на руските сили бил извршен во центарот на градот. Станбена зона во вториот по големина град во Украина, Харков, утрово била погодена. „Уште едно ноќно бомбардирање на градот“, напиша Терехов, додека шефот на регионалната државна администрација во Харков, Олег Синегубов, рече дека нападот се случил околу 5 часот наутро. „Окупаторите ја нападнаа цивилната инфраструктура на областа Слобид во Харков. Покривот на салонот за автомобили се запали поради бомбардирањето“, коментира тој.
