Членовите на популарната хрватска група „Колонија“ одлучија во екот на епидемијата на коронавирусот да се пошегуваат на не толку симпатичен начин, кој наиде на осуда од јавноста.
Со оглед на тоа дека бројката на заразени во Хрватска помина 30 лица, сите концерти и други случувања се одложени.
Меѓутоа, оваа музичка група очигледно сакала да привлече внимание, па со објава на нивниот официјален профил на Инстаграм направиле глупост поради која жестоко беа искритикувани.
– Луѓе, важна информација, внимание! Ова е последна вест која службено е потврдена. Поради коронавирусот, групата Колонија го менува името во Корониа и ќе изведуваме заразни хитови – напишале на нивниот профил.
Во објавата ставиле и хаштаг за да се прошири нивната објава, а на сето тоа додале и три „смајлиња“ како плачат од смеење.
