– Во текот на оваа седмица следува период на ПОТОПЛО време со релативно ПРОЛЕТНИ температури на воздухот кој насекаде ќе се искачуваат над 10 степени, додека во најтоплите централни и југоисточни предели температурата ќе се искачи до околу 18 степени.
Времето ќе биде променливо облачно со сончеви периоди и со слаб до умерен ветер од јужен и д југозападен правец. Ветерот повремено ќе засилува на интензитет а ќе има и повремен слаб локален дожд, особено во западните и во југозападните предели.
ПОИНТЕНЗИВНИ врнежи ќе има во петок и истите ќе ги има во поголем дел од Македонија. Снег ќе има само на највисоките планини.
Во Скопје и околината следува период на променливо облачно време со сончеви периоди. Ќе дува слаб до умерен ветер од југоисточен правец а особено во петок ќе има повремени врнежи од дожд. Температурата ќе се искачува во интервалот помеѓу 13 и 16 степени.
Оваа седмица наутро и тоа особено во Малешевијата и на планинските и повисоки места температурите ќе се спуштаат за некој степен под нулата – вели метеопрогнозерот Славчо Попоски.
За повеќе метео информации следете го Фејсбук профилот на Славчо Попоски – ТУКА.
