Супермоделот Наоми Кембел призна дека злоупотребувала алкохол и дрога на врвот на нејзината кариера. Фрагменти од интервјуто на манекенката објави Пејџ сикс.
Во документарецот „Супермодели“ што се емитува на „Епл ТВ+“, Наоми Кембел призна дека се свртела кон кокаинот за да се справи со траумата од детството и загубата на нејзиниот близок пријател, дизајнерот Џани Версаче.
„Имам многу проблеми поврзани со моето детство. Почнав да користам кокаин за да заборавам на мојата тага. Си помислив: „О, ова ќе ја залечи раната“. Но, тоа не е вистина. Зависноста може да предизвика уште поголем страв и вознемиреност“, вели манекенката.
Според манекенката, таа пет години се борела со својата зависност, па дури и се онесвестила за време на фотосесија во 1999 година. По овој инцидент таа одлучила дека треба да оди во центар за рехабилитација.
„Решив да одам рехабилитација. Ова беше најдоброто и единственото решение во тоа време. Ми требаа многу години да го преболам ова. И сè уште се појавува понекогаш ова искушение како проблем. Но, сега имам методи за да се справам со него“, сподели искрено манекенката.
