Новата сезона на музичкото натпреварување „Пинкови Ѕвезди“ ќе започне со емитување во септември оваа година. Аудициите се во тек, а продукцијата ги собира членовите на стручното жири кои, како и досега, ќе одлучуваат за судбината на младите пејачи.
Сопственикот на Пинк Телевизија, Жељко Митровиќ, го откри првиот член на стручното жири на „Пинкови Ѕвезди“, а тоа е контроверзниот рапер Драгомир Депсиќ – Десингерица.
– Оваа сезона ќе имаме големи изненадувања во „Пинкови Ѕвезди“, проект на кој работиме со максимален капацитет. Можам да откријам и еден член од жирито кој ќе биде изненадување за сите, а тоа е Десингерица, па имаме и жири кое е комбинирано, бидејќи самиот проект е комбиниран во однос на музиката, имаме и поп-музика и народна музика и сите оние кои мислат дека пеат не треба да пеат добро, само треба да мислат дека пеат добро – рече Жељко Митровиќ и додаде:
– Можат да се пријават сите оние од 14 до 114 години. Ова го кажувам намерно бидејќи ќе бидат вклучени сите видови музика – рече првиот човек на Пинк Жељко Митровиќ.
Десингерица е познат на јавноста како одличен шоумен и миленик на помладиот дел од популацијата, па затоа нема сомнение дека гледачите можат да очекуваат невиден спектакл од претстава во претстава ако се појави во црвената фотелја.
