Пејачката конечно ја најде среќата во љубовта!
Емотивниот живот на Милица Тодоровиќ често го привлекува вниманието на јавноста, а пејачката речиси секогаш јавно зборувала за своите љубови.
Таа сега ужива во љубовта со бизнисменот Марио, со кого ненадејно се вери, но интригантни се и нејзините претходни врски.
Милица Тодоровиќ додека се натпреваруваше во „Ѕвездите на Гранд“ беше во емотивна врска со колегата Ненад Јовановиќ. Тие двајца прво се дружеа и се поддржуваа за време на стресното натпреварување, а потоа од тоа пријателство израсна љубов. Тие поминаа четири години заедно, а кога сфатија дека повеќе не функционираат како пар, се разделија во добри односи, кои ги одржуваат до ден денес.
После тоа, Милица четири години беше во врска со Раде Ковачевиќ, братот на пејачот Саша Ковачевиќ.
– Раде е прекрасно и добродушно момче, како и целото негово семејство – истакна Милица.
По раскинувањето со Раде, таа започна романса со кореографот Милош Пауновиќ.
– Односот со Милош ми помогна и професионално. Ме научи како да танцувам и да глумам – признала таа подоцна.
Нејзината најкратка љубовна приказна беше со актерот Петар Стругар, но сепак често се споменува. Милица еднаш рече дека тоа е нејзиниот единствен емоционален неуспех.
– Сакам да можам слободно да излегувам и да се појавувам во јавноста со мојот партнер. Беше неизбежно медиумите да нѐ сликаат и нашата врска да стане тема. Петар, како јавна личност, можеби најдобро се справи со сето ова, но не сакаше да се експонира, ниту да зборува за својот приватен живот – изјави еднаш Милица Тодоровиќ.
