Заменик-шефот на Советот за безбедност на Русија, Дмитриј Медведев, на својот профил на Телеграм рече дека Русија го избрала својот пат и сега нема веќе враќање назад. Изразувањето на ова негово мислење се однесува на одлуките на рускиот лидер Владимир Путин.
Според Медведев, делумната мобилизација најавена во Русија значи дека ќе се одржат референдуми на ослободените територии, а Доњецката и Луганската народна република ќе станат дел од Русија. Тој истакна дека нивната заштита ќе биде „зајакната од вооружените сили на Руската Федерација“.
Понатаму, Медведев ги предупреди западните воени лидери дека руското хиперсонично оружје може „многу побрзо“ да стигне до цели во Европа и во САД.
Да потсетиме дека Путин вчера најави делумна мобилизација во земјата на 21 септември. Планирано е со мобилизацијата да бидат регрутирани 300.000 резервисти.
