Хрватската старлета Ава Карабатиќ на Инстаграм се пофали дека собрала 26.000 потписи, кои ѝ биле потребни за да се кандидира за претседателските избори во Хрватска.
– Со големо задоволство ја информирам јавноста дека успешно собрав 26.000 потписи за поддршка, со што го исполнив законскиот услов за кандидатура на претстојните претседателски избори. Им благодарам на сите кои со своите потписи ја поддржаа мојата кандидатура – напиша таа во објавата.
Таа додаде дека процесот на собирање потписи е завршен и дека нејзината кампања влегува во нова фаза. Потоа ги повика своите следбеници и останатите граѓани да излезат на гласање и да гласаат за неа.
– Вашиот глас значи можност за остварување заеднички цели и визија за подобра иднина за сите нас. Доста е од затегнување. Доста е од корумпирани политичари и министри – напиша таа, заблагодарувајќи им се на сите за поддршката.
За потсетување, старлетата и поранешна реалити ТВ учесничка Ава Карабатиќ се кандидираше за парламентарните избори во Хрватска, одржани овој април. 2024 година, а според последните резултати освоила повеќе гласови од министерката за култура Нина Обљен Коржинек.
