Лепа Брена го одржа првиот од петте закажани концерти во Арената во Загреб, а за спектаклот што го приреди зборува целиот регион.
Видно емотивна, Брена излезе на сцената во црна облека со златни реси, кои потсетуваа на некои дамнешни времиња и на нејзините концерти ширум некогашниот југ, а на грбот ги имаше иницијалите „ЛБ“. Концертот го отвори со песната „Влези слободно“, додека најемотивниот дел од вечерта беше кога емоциите ја преплавија на сцената.
Брена се скрши и заплака кога ја изведе песната „Посакај среќа на другите“. По нејзините образи течеа солзи, а публиката возврати со громогласен аплауз и неизмерна љубов.
Да потсетиме, Брена на самиот почеток ја поздрави публиката со следните зборови:
„Загреб, добра вечер! Со денови се обидувам да смислам некој убав текст да кажам на почетокот на овие пет вечери на дружење со вас. Тешко е да се изберат зборови и емоции, па мислам наједноставно е да ви кажам дека ова што го подготвивме е за вас вечерва, нашата емоција и нашите песни ќе покажат се!“, рече таа и ја фрли публиката во делириум.
