Првиот фудбалер од Серија А кој се зарази со коронавирусот беше фудбалерот на Јувентус, Даниеле Ругани. Ругани веднаш реагирал и отишол во болница за да не ја пренесе заразата на другите, како и на неговата девојка Микела Персико, но за жал не успеал.
Микела во понеделникот вечерта соопштила дека и таа е заразена со Ковид-19.
„Бев многу исплашена кога слушнав дека Даниеле е позитивен на вирусот, но во меѓувреме сите пдообро се запознавме со пандемијата, па сега, кога сум заразена, помалку се плашам. Даниеле има блага температура, а јас сум заразена, но и асимптоматична. Се чувствувам добро. Ова е уште еден сигнал за сите. Бидете внимателни бидејќи не мора да имате симптоми за да сте заразени, а можете да заразите многумина околу себе“, рекла новинарката.
