На денешен ден низ музичката историја, како на овие простори, така и на светско ниво, се родени значајни имиња во оваа индустрија, а објавени се и неколку важни албуми и песни кои се хитови до денеска.
Во продолжение прочитајте за сите настани во историјата на музиката кои се случија на 17 март:
1949 година – Роден Југослав Влаховиќ, рок музичар, карикатурист, илустратор и дизајнер.
1956 година – Роден Александар Саша Хабиќ, познат белградски рок продуцент и автор.
1967 година – Три години по премиерниот „Hey Joe“, објавен е вториот сингл на Џими Хендрикс со песната „Purple Haze“, која не се појави на ниту еден од следните три негови студиски албуми, но е една од најчестите нумери на речиси сите компилации кои содржат негов репертоар.
Песната е сместена во „Grammy hall of fame“, како еден од најголемите гитарски броеви. Хендрикс тврдеше дека стиховите немаат никаква врска со дрога, но тешко е да се верува дека не постоело влијание, бидејќи се чини дека зборовите на оваа песна јасно зборуваат за консумација на ЛСД.
1967 година – Роден Били Корган, вокал и гитарист на групата „Smashing pumpkins“.
1967 година – Објавен дебитантскиот истоимен албум на американската блус-рок група „The grateful dead“.
1988 година – Југотон го издаде албумот „Коњи“, кој е дело на хард рок групата „Дивље јагоде“. Изданието е снимено со новата постава, која ја сочинуваа пејачот Младен Војичиќ Тифа, клавијатуристот Владо Подани и тапанарот Един Шеховиќ, што значеше дека само Сеад Липоваќа-Зеле и басистот Златан Чехиќ останаа како членови од оригиналниот состав на бендот. Најголеми хитови од овој албум станаа баладите „Заувјек твој“ и „Осјечам гола си испод халјине“.
1990 година – Почина Рик Грех, басист кој свиреше со групите „Family“, „Blind faith“, „Ginger bakerс air force“ и „Traffic“.
