Во петокот Европската вселенска агенција (ESA) ќе одржа едночасовен пренос во живо од Марс, што е прв ваков обид до сега.
Преносот започна во 18 часот, така што дури и сега нема да го видиме Марс без одлагање бидејќи на светлината ѝ треба малку време да патува од оваа далечна планета до Земјата. Како и да е, ова треба да биде најблиску до известување во живо од друга планета во Сончевиот систем. За да го прослави 20-тиот роденден на своето вселенско летало, Марс експрес, ЕСА ќе испраќа нови слики од орбитерот приближно на секои 50 секунди.
ЕСА вели дека ова е прв долгорочен пренос во живо од длабоката вселена. Во текот на денешниот едночасовен „извештај“ од орбитерот, на секоја слика ќе ѝ бидат потребни околу 17 минути за да стигне од леталото до нашите мали екрани. „Имајте на ум дека никогаш порано не сме пробале вакво нешто, така што е малку неизвесно колку точно ќе им треба на сигналите да стигнат до Земјата“, пишува ESA.
