Канје Вест обвинет за сексуална злоупотреба: „Ја давеше, таа се онесвести“
Раперот Канје Вест, се соочува со нови обвинувања. Џен Ен, модел од шоуто „Следен топ модел на Америка“ (America’s Next Top Model), го обвини за сексуална злоупотреба во текот на снимањето на спот.
🚨 Kanye West is being sued by ANTM alum Jenn An for alleged assault during a 2010 music video shoot, including choking and gagging. Universal Music also named for ignoring his alleged conduct.
Source: People pic.twitter.com/J3HPc6TcrF
— Nekole (@NekoleUnknown) November 24, 2024
Според медиумите, инцидентот се случил во 2010 година во хотелот Челзи во Њујорк. На снимката Вест наводно им наредил на актерките да се наредат во ходникот, а потоа го вперил прстот кон Ен и им рекол „да му ја дадат оваа девојка од Азија“.
Во својата тужба, Ен наведува дека ѝ било наредено да седне на стол, по што Вест почнал да ја малтретира. „Ова е уметност. Јас сум како Пикасо“, наводно викнал, ставајќи ја раката околу нејзиниот врат.
„Потоа ѝ ја ставил другата рака околу вратот и продолжил да ја дави, симулирајќи орален секс“, се наведува во тужбата.
Манекенката накратко се онесвестила поради недостаток на воздух, а лицето потоа и било покриено со плунка. Обвинението ги опишува постапките на Вест како „порнографско давење“.
Според обвинението, се се случило на снимањето на спотот за песната „In For The Kill“, која Вест ја сними со поп дуото La Roux. Во финалниот спот го нема ниту Вест, ниту Ен.
