Македонскиот актер, музичар и пантомимичар Кирил Трајковски – Максим, познат како Марлон Брандо, на својот фејсбук-профил објави дека станал татко по третпат. Актерот е горд татко на две ќерки.
– Станав татко по третпат!!! Кај мене излезе трето па машко. Фала господе што на овој убав празничен ден ми го донесе Симон Јуниор. Мојата сопруга е вистинска лавица и раѓа деца арслани. Ирена Трајковска ти си ми се! – напиша Кирил во својата објава со која сакаше да ја сподели радосната вест во своите пријатели и фанови.
Кирил остварил улоги во повеќе македонски телевизиски сериски и играни филмови, меѓу кои: „Болка на душата“, „Вистинска љубов“, „Македонски народни приказни и филмот „Максим“ каде тој покрај главната улога е режисер, сценарист и продуцент. Играл и во документарниот филм „Еднаш на истокот“, реклами како и во театарски претстави, посебно и со изведби на пантомима.
Се надеваме дека барем еден од неговите наследници ќе ја наследи и неговата љубов кон глумата или пантомимата.
