Марко Миљковиќ по шестчасовен распит во Третото основно јавно обвинителство е пуштен од притвор. Тој беше обвинет за нарушување на јавниот ред и мир и обид за напад на службено лице откако во понеделникот се скарал со соседите.
По излегувањето од притвор, Марко порача дека му недостигаат девојчињата, како и дека за инцидентот и за модринките кои му биле видливи на неговото тело ќе зборува во друга прилика. Тој ден, таткото на неговата сопруга Луна, Гага Ѓогани, го однел директно во семејната куќа на Бежанијска коса.
Марко сега првпат проговори по скандалот и јавно ѝ се обрати на сопругата Луна Ѓогани:
„Три години брак, што ли не поминавме, понекогаш изгледа како 33! Те сака твоето око и да дочекаме барем златна годишнина“, напишал Миљковиќ на Инстаграм каде сподели нивна фотографија од венчавката.
Марко и Луна се запознаа во реалното шоу „Задруга“, а како што повеќепати истакна Луна, Марко Миљковиќ ѝ се допаѓал уште додека била мала, кога тој бил учесник во реалното шоу „Големиот брат“, па се пошегува дека отсекогаш била негова обожавателка. По интимната венчавка, вљубениот пар доби две ќерки.
Марко е приведен по конфликт со сосед кој, како што рече, „му фрлил нечистотија на терасата, по што на терасата му фрлил три јајца“. Полицијата реагирала, наводно дошло до конфликт, а Марко со лисици на рацете таа вечер завршил прво во Ургентно, потоа во болницата „Лаза Лазаревиќ“ и на крајот во притвор.
