Познато е дека хрватската пејачка Северина Вучковиќ не се штеди на своите енергични настапи и дека на сцената се труди да даде сè од себе. Северина со часови скока, пее, танцува и се шегува со својата публика, но сето тоа на крајот мора да остави и некакви последици. Така било и по концертот на Северина во Макарска.
Најдобар доказ за тоа е видеото во кое покажа колку ја болат нозете по концертот во Макарска.
Пејачката на социјалните мрежи објави видео во кое по настапот ги лади нозете во ледена купка, а ова не баш пријатно искуство не го ублажило ниту тоа што нејзините соработници се обиделе да ѝ ги ублажат маките пеејќи ѝ „Када Надалина ноге…“. Нејзините колеги се обидувале да ја насмеат, пеејќи ѝ ја песната, додека пејачката се фаќала за глава и стенкала од болка.
„Исусе Боже, луѓе мои“, извикала таа по неколку секунди во ледената купка.
Да потсетиме, Северина неодамна покажа како изгледа пред и по концертот. Таа позираше пред огледало пред да излезе на сцената, а потоа и по концертот – со мокра коса и грб.
„Пред и потоа“, се пошегува таа, а нејзините следбеници напишаа: „Олимпијците не ти се ни до колена“.
