Српската пејачка Драгана Мирковиќ мораше да го откаже концертот во Темерин поради временските непогоди.
Поголемиот дел од Србија синоќа го зафати невреме, кое поплави многу улици и направи голема штета.
Драгана, како вистински професионалец, дошла однапред на местото каде што требало да се одржи концертот и со својот тим и насобраниот народ чекала да се смири невремето.
Тие се наоѓале во шаторот, од каде Драгана го споделила видеото:
– Ние пристигнавме, надвор има сериозно невреме, но чекаме, па што ќе ни даде Господ – порачала Драгана, која час подоцна повторно се огласила и соопштила дека концертот сепак мора да го откажат.
– Драги мои, за жал, поради многу лошо време, го откажуваме концертот во Темерин, но немојте да мислите дека не мислам на вас. Ве сакам многу и подготвуваме многу убаво изненадување, што значи дека нема да го ускратиме дружењето со вашата Драгана Мирковиќ. Ве бакнувам и едвај чекам, се гледаме наскоро – рекла Драгана, а сè погледнете во видеото.
