Фолк пејачот Дарко Лазиќ и неговата сопруга Катарина за српски „Курир“ потврдија дека чекаат бебе. Тоа ќе биде нивно прво дете, а на пејачот трето. Лазиќ има ќерка од бракот со Ана Севиќ, а во врската со Марина Гагиќ доби син.
Во понеделникот Дарко и Катарина направиле прослава во Брестач и им соопштиле на семејството и пријателите кој пол е бебето. Таа информација сè уште ја кријат од јавноста.
Катарина го покажа и трудничкиот стомак кој се гледаше под краткиот фустан кој го носеше на прославата. На Инстаграм се појави нејзина фотографија на која Дарко ја гали по стомакот, а оваа сцена ги разнежни сите.
View this post on Instagram
На оваа прослава присуствуваше и кумата на Лазиќ, Андреана Чекиќ, која заедно со нив ја прослави среќната вест. На прославата присуствувала и нејзината мајка.
Ана Севиќ, со која Дарко сега е во одлични односи, не била во Брестач, но ја „лајкнала“ објавата на Катарина и со тоа покажала дека ѝ е драго што нејзиниот поранешен сопруг ќе го прошири семејството.
Дарко по прославата се огласи за медиумите.
– Конечно ги имаме резултатите и дознавме дека чекаме бебе и дека сè е во ред, па радосната вест можеме да ја споделиме со вас како што ветивме. Пресреќен сум што ќе станам татко – изјавил Дарко за „Блиц“.
