Анастасија Ражнатовиќ ужива во бракот со фудбалерот Немања Гудеља, а за нејзината врска со мајката и сестрата на Немања се шпекулира подолго време.
Иако Анастасија еден период не била во добри односи со Оливера и Вања Гудељ, како што неодамна дозна „Блиц“, тие се помириле.
Имено, Анастасија и Немања моментално се на Ибица каде уживаат во одморот и паузата што ја има Немања по деловните обврски, а друштво за време на патувањето им прави и сестрата на Немања, Вања.
Сега Анастасија на својот инстаграм-профил сподели нивна заедничка фотографија од забавата во еден ноќен клуб, а на шпански напиша дека Вања е нејзината ѕвезда.
Тие беа слично облечени, двете носеа кратки здолништа и високи чизми над колена и без сомнение беа изложени на многу погледи во текот на целата вечер.
Да потсетиме, братот на Анастасија, Вељко Ражнатовиќ неодамна проговори за врската на неговата сестра Анастасија и нејзиниот сопруг, фудбалерот Немања Гудељ. Ражнатовиќ истакна дека Гудељ е легенда и откри како се чувствува кога неговата сестра го напуштила семејниот дом и се преселила во Шпанија.
– Презадоволен сум од нејзиниот избор, нејзиниот сопруг е легенда и таму е многу подобро отколку што би била со нас – изјавил Вељко.
