Пејачката Ана Николиќ и нејзиниот дечко, композиторот Горан Ратковиќ Рале, синоќа одлично се забавуваа на настапот на Весна Змијанац во ресторан во Белград.
Тие двајца цело време биле среќни и разменувале нежности, а Ана била целосно обземена од емоции. Таа толку многу уживала што не сакала да ја напушти забавата, па дури и запеа со Весна.
А, како што пренесуваат српските медиуми Рале сакал да си одат дома, додека Ана била решена да остане подолго. По кратка дискусија, Рале ја убедил Ана да си оди и парот заедно го напуштиле настапот на Весна.
Инаку, на Ана и Рале не им се непознати расправиите, но и покрај тоа нивната љубов опстојува, а неодамна најавија дека годинава ќе застанат пред матичар.
– Најверојатно ќе се венчаме на Видовдан. Не зборувавме многу за меден месец, тој е прилично „ад хок“ за нас. Веројатно ќе одиме кај неа во Доња Мутница, барем таму да ја искосиме тревата и барем се да средиме – изјавил неодамна Рале за Информер.
