Откако контроверзното видео заврши на социјалните мрежи во кое Марин пие, диво танцува и пее на забава кај пријателка, премиерката го направила тестот за да докаже дека не се дрогирала.
Финската премиерка Сана Марин, по „случајот“ со објавеното видео на кое се гледа како танцува на забава со ВИП личности, била негативна на тестот за дрога на кој била подложена, соопшти Советот на министри.
„Дрога тестот што го направи премиерката Сана Марин на 19 август 2022 година не откри присуство на дрога“, соопшти прес-службата на финската влада.
Премиерката беше подложена на тест за да докаже дека не земала наркотични супстанции.
