Српската фолк пејачка Светлана Цеца Ражнатовиќ е мајка на две деца, синот Вељко и ќерката Анастасија, кои сега се возрасни и семејни луѓе.
Вељко живее со сопругата Богдана во Тител, каде што изградиле семејна идила на имотот на нејзиниот татко Богдан, а имаат три сина Жељко, Крстан и Исаија.
Анастасија, пак, со сопругот Немања Гудељ живее во Севиља, Шпанија, а Цеца често нагласува дека нејзините деца се нејзината најголема гордост и среќа.
– Јас го добив Вељко на 23, Анастасија на 25. Сосема поинаку ги разбирав и сето тоа има свои предности и недостатоци – рекла Цеца за родителството.
Пејачката Цеца Ражнатовиќ неодамна се осврна на својот брак, односно како се омажила во дваесетите години, исто како што подоцна направил и нејзиниот син Вељко, кој се ожени со Богдана на само 22 години.
– Кога мојата сестра се мажеше, се омажи на 30 години, за разлика од мене која се омажив на 20. Јас само сакав да се омажам. Исто како што мојот син од самото раѓање сакаше да се ожени. Се гледа на кого е. Од шестата година човекот се жени. И тој се ожени на 22 и јас се омажив на 22 – рекла Цеца и открила зошто Вељко Ражнатовиќ се оженил толку рано.
