Поради стравот од коронавирусот, во поедини градови низ светот се случува полиците во продавниците да останат празни, со оглед на тоа дека некои луѓе, најверојатно поради преголема паника околу оваа ситуација, купуваат се што ќе видат, а најмногу храна се разбира.
Токму тоа ја испровоцира и пејачката Емина Јаховиќ, која објави жестока порака, која е упатена за сите личности кои ги празнат полиците.
– Доаѓајќи од земја на поранешна Југославија, некои од нас многу добро знаат како изгледа воена криза за храна и како луѓето треба да си помагаат еден на друг… така да, правењето резерви за храна (особено) во град со висок стандард како што е Виена и ништо да не се остави на другите, покажува колку луѓето се злобни. Ако вас не ве убие корона, кармата сигурно ќе го направи тоа – напишала Емина на англискио на својот профил на Инстаграм.
