Доделувањето на Европските музички награди – MTV Awards што требаше да се одржат следниот месец во Париз се откажани, соопштија организаторите во четвртокот, наведувајќи ја „нестабилноста на светските настани“ за време на конфликт во Израел и Газа.
Церемонијата на доделување на наградите, на кои меѓу номинираните беа и Тејлор Свифт, Оливија Родриго, Бад Бани и Фу Фајтерс, требаше да се одржи на 5 ноември.
„Со оглед на нестабилноста на светските настани, решивме да не продолжиме со MTV EMA наградите за 2023 година поради голема претпазливост кон илјадниците вработени, членовите на персоналот, уметниците, обожавателите и партнерите кои патуваат од целиот свет за да присуствуваат на овој настан“, се вели во соопштението.
„Годишните награди на МТВ се глобална прослава на музиката“, рече портпаролот, додавајќи дека „ова не изгледа како момент за глобално славење“ бидејќи војната во Израел и Газа продолжува.
„Со илјадници изгубени животи, ова е момент на жалост. Со нетрпение очекуваме повторно да бидеме домаќини на MTV EMA наградите во ноември 2024 година“.
