Музичарот Џенан Лончаревиќ (49) доби син со партнерката поради која по 25 години брак се разведе од сопругата Самира, пишува српски „Телеграф“.
На Лончаревиќ ова му е четврто дете, тој со поранешната сопруга Самира има два сина, додека со партнерката Милица се вели дека веќе има едно дете.
Со неа е во врска 15 години и живеел со неа во исто време додека бил во брак со Самира, пишува српскиот портал.
Музичарот е познат по хитовите „Цвете бели“, „Лоша“, „Никоме ни реч“…
Пејачот за медиумите изјави дека не сака да зборува за такви работи, а неговите соседи откриле се што се случувало во последните неколку месеци во неговиот дом.
– Џенан често ја паркираше колата веднаш до влезот за никој да не ги види кога ќе заминат. Мајка ѝ беше редовно со нив, а најмногу ја гледавме овде. Ја гледавме и со стомак, но сето тоа брзо помина. Се чудиме кога ќе кажете дека веќе се породила. Но, тие сигурно веќе не живеат овде. Имаат три автомобили, барем еден би виделе – вели жена од блиската продавница.
