„Сакаме да ве информираме дека нашиот сакан Брус има здравствени проблеми и му е дијагностицирана афазија, што влијае на неговите когнитивни способности.
Затоа Брус ќе ја напушти актерската кариера која толку многу му значеше“, напиша Деми Мур на социјалните мрежи објавувајќи го она за што со месеци се зборува во Холивуд и се шпекулира во медиумите.
Големиот Брус Вилис, ненадминатиот херој на акционите блокбастери со кои пораснавме, повеќе не може да ја работи работата за која е роден и е принуден да се повлече од очите на јавноста.
Вусшност откако истата вест ја објави ќерката на Брус Вилис, сите помислија дека токму таа и ја напишала, а сега е јасно дека зад објавата стојат заедно и двете – Деми и Румер.
Интересно е што веста ја објави неговата поранешна сопруга, а не сегашната, но во срцата и сеќавањата на љубителите на оваа ненадмината филмска и брачна двојка, тие, и покрај неговите и нејзините подоцнежни врски и бракови, останаа неразделни засекогаш.
View this post on Instagram
На крајот на објавата стои – „со љубов, Ема, Деми, Румер, Скаут, Талула, Мејбел и Евелин“. Објавата за еден час ја „лајкувале“ над 85 илјади луѓе.
Афазија е болест која се однесува на губење или нарушување на говорот, што вклучува намалена способност за разбирање или изразување зборови.
