-5.2 C
Скопје
00:19 - 26 јануари, 2022

ДАЛИ СИТЕ ЌЕ СЕ РАЗБОЛИМЕ ОД ОМИКРОН? ИМА ЛИ СМИСЛА ДА НОСИМЕ МАСКИ? ШТО ЌЕ СЕ СЛУЧУВА ПОНАТАМУ? Одговори даваат италијански врвни епидемиолози и имунолози

На актуелни прашања поврзани со брзината на ширење на вирусот Омикрон, но и за тоа колку долго ќе трае, дали сите ќе не „фати“, дали и понатаму треба да се носат маски, да се прават брзи тестови, дали сите ќе станеме имуни еден ден…одговараат врвни италијански епидемиолози, имунолози и универзитетски професори.

Дали сите ќе се разболиме од Ковид?

– Сепак, дури и во најстрашните пандемии – објаснува епидемиологот Паоло Бонани, – никогаш не се случило целото население да биде погодено во рок од неколку месеци. Веројатно е дека коронавирусот со текот на времето ќе стане ендемичен и јасно е дека, слично на вирусите со кои живееме, како што се грипот и настинката, порано или подоцна ќе влијае на нас во животот. Но, тоа не мора да се случи сега, може да се случи дури и за пет или седум години.

– Сега нема сите да се разболиме – се согласува имунологот Антонела Виола – но со текот на годините сите ќе стапиме во контакт со вирусот, но нема сите да се разболат.

Ако нашата судбина е да се заразиме порано или подоцна, каква е користа од носењето маска?

– Со оглед на високата заразност на Омикрон, маската помага да не се заразиме сите во исто време. Во едно општество, основните услуги мора да работат: не можеме да си дозволиме да немаме лекари и медицински сестри во болница, собирачи на ѓубре или машиновозачи кои возат возови, предупредува Фабрицио Преглиаско, вирусолог и медицински директор на Институтот Галеаци во Милано.

Може ли Омикрон да се третира како грип?

Шпанскиот премиер Педро Санчез предлага да се третира Ковид како нормален грип бидејќи зголемувањето на случаите не е проследено со смртни случаи, тврдејќи дека повеќе не е неопходно да се следи и да се ограничува секој што ќе биде позитивен и дека дојде време пандемијата да ја сфатиме како една „ендемична болест“ како што е сезонскиот грип. СЗО сепак предупреди да не се третира последниот бран на Ковид како сезонски грип, бидејќи останува непознато околу новата варијанта, особено во однос на сериозноста на болеста како би можела да влијае во регионите со ниски стапки на вакцинација, како што се некои области во Источна Европа.

Сè уште не сме подготвени да го сметаме Ковид како грип. Тоа би можело да се случи доколку сите бевме вакцинирани, но и во овој случај секогаш ќе постоеше ризик од мутации кои ја нарушуваат заштитата и предизвикуваат стрес врз здравствениот систем – објаснува Антонела Виола, која е и професорка по општа патологија на Универзитетот во Падова.

Во оваа фаза, дали има смисла да продолжиме да правиме брисеви?

– Вложивме многу напори околу брисевите, тестовите и карантините – размислува Паоло Бонани,  редовен професор по хигиена на Универзитетот во Фиренца – но тоа не води до особено висока  вредност во однос на превенцијата. Подобро да се фокусираме на вакцинациите, а брисевите да ги прават само оние кои ќе препознаат симптоми на вирусот.

Кога ќе почне да се спушта, да паѓа кривата на заразени?

– Незамисливо е да продолжи да остане на овие високи бројки, според податоците што ги имаме кривата на зараза ќе почне да опаѓа најдоцна до крајот на јануари, предвидува Бонани.

Дали сите ќе станеме имуни?

– Само привремено“, вели Антонела Виола. – Веќе видовме дека се можни реинфекции особено ако се промени вирусот, како што се случи со Омикрон.

-Имунитетот опаѓа со текот на времето, но очекувам дека помеѓу вакцините и инфекциите ќе имаме супстрат од основен имунитет – додава Бонани – и за некое време ќе бидеме барем делумно заштитени, со намалување на компликациите и смртноста.

Што ќе се случува во претстојните зими?

– Ќе имаме зимски епидемии на Ковид, како што се оние на грип и респираторен вирус, дури и ако, со оглед на неговата висока заразност, има повеќе случаи од грипот – вели Бонани, кој понатаму предупредува: Ќе живееме со вирусот, секако не без цена. Да се ​​потсетиме дека во предпандемската ера секоја година броевме меѓу осум и десет илјади смртни случаи директно поврзани со грипот. Со вакцините ќе можеме драстично да ја намалиме штетата предизвикана од Ковид, дури и ако не целосно да ја елиминираме.

Може ли да се направи нешто друго, нешто повеќе за да имаме подобра зима следната година?

– Проширување на одделенијата за заразни болести и реанимација. Да се подобри и прошири дијагностичкиот систем. Да се работи на вакцини кои го надминуваат проблемот со варијантите, заклучува Виола, во написот за италијанскиот дневен весник Кориере дела сера.

Слични објави

(ФОТО) ТОНИ ЦЕТИНСКИ: Среќен роденден Тоше! Ти и Аки повторно запејте ја „Есен во мене“

Милена Ри

ЕЛТОН ЏОН ПОЗИТИВЕН НА КОРОНАВИРУСОТ: Долгоочекуваните концерти се откажани!

М.Р.

СОВЕТИ И ПРИДОБИВКИ НА СЕКС ЗА ВРЕМЕ НА МЕНСТРУАЦИЈА: Табу или задоволство?

Еспресо

(ФОТО) ИЛИНА АРСОВА СЕ ПРОСТИ ОД МАЕСТРО ЏАМБАЗОВ: Ние вака ќе си се памтиме, насмеани и ведри…

М.Р.

(ФОТО) ЛИЛА ОТКРИ СО КОЈ ГО ДЕЛИ КРЕВЕТОТ: Вистински убавец со зелени очи!

М.Р.

РАЗГОВОР СО МАРИЈА ПИЈАНМАНОВ, НАШИНКА ВО ПАРИЗ: Се будам со вкусна паштета од патка, мојот живот наликува на изложба во музеј, сопругот ми го подари Париз!

Ј.К.Д
Се вчитува....