Го посетивме скопскиот двор на Елена Дамчевска, по професија економист, таа работи во финансискиот сектор.
Оваа голема љубителка на цвеќињата и природата сама е одговорна за дворот кој се простира на околу стотина квадратни метри, но бројни цвеќиња има и дома.
– За надвор обожавам повеќе цветни растенија, а од домашните – преовладуваат орхидеите и темјанушките.
Одгледувањето цвеќе на Елена секојдневно и одзима два часа, но ако треба да се прочистуваат сувите цветови и листови – вели – може да се задржи и до четири часа.
– На сончева светлина ги изложувам сарделите, петуниите, пркосот, темјанот…, а на североисток останатите цветни растенија – ни открива Елена.
Предизвик кога е во прашање дворот?
– Секогаш да е среден, а потоа се сместувам на лулашката со книга и кафенце за уживање – низ насмевка ни раскажува.
За крај ја прашуваме што би им порачала на оние кои сакаат да започнат со нега и одгледување на цвеќе.
– Најдобро е да почнат со поотпорни цвеќињам како сардели, пркос, кампанула па дури и бегонии – советува таа.
Инаку, Елена е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во фотогалеријата.
Фото – приватна архива
(Фото сторија) Дворот од басна на г-ѓа Баснаркова на двестотини квадратни „страници“
