Додека дел од медиумите и понатака шпекулираат дали има вистина во гласините дека актерот се гледа со 26 години помладата колешка, еден дел јавува дека нивната врска е повеќе од сериозна.
Како што јавува новиот број на магазинот „Life & Style“, младата актерка која се прослави со улогата во познатата серија „Arrested Development“ толку го маѓепсала Бред Пит (56) што тој одлучил да направи важен чекор: Да ја запознае со своите деца.
Наводно, Анџелина Џоли (44), мајката на нивните деца и поранешна сопруга, побеснела кога слушнала дека Бред ги запознал децата со Алаја Шокет (30).
– Таа е екстремно заштитнички настроена кон нив и во нејзините очи ниту една жена нема да биде доволно добра за да им биде макеа, особено не така брзо. Бесна е – истакна извор близок на семејството.
Тој додаде дека Шокет им се допаднала на децата, особено на ќерките Шајло и Захара.
– Сите ја обожуваат Алаја, особено Шајло, која постојано зборува за тоа како таа е кул и необична. И двете имаат ист „сув“ смисол за хумор. На Захара и се допаѓа стилот на Алаја.
Дури задно планираат и женско излегување, односно шопинг по винтиџ бутици, објасни изворот.
Тој додаде дека Анџелина е надвор од себе од бес и дека дури и му се заканила на Бред дека нема да му дозволи децата со него да го поминат неговиот роденден, 18 декември, ниту Божиќ доколку Алаја биде присутна.
