Ориганото е зачинска билка, која во последно време сѐ повеќе се користи во подготовката на голем број јадења. Без овој зачин, вкусот на пиците, тестенините и панцеротите не е ист.
И со право, ориганото ги освојува истенчените вкусови и на најпребирливите сладокусци. Така, покрај тоа што ќе би даде неодолив шмек на храната, ќе помогне и во решавање одредени здравствени проблеми со кои се соочувате.
Листовите од ориганото, независно од тоа дали се свежи или суви, се користат уште од античко време, но општиот впечаток е дека луѓето малку знаат за неговите лековити моќи.
Во неговиот состав има танин, феноли, витамин А, витамин К и минерали.
Многубројни истражувања околу лековитите својства што ги има ова лековито растение покажале дека ориганото е еден од најсилните и најмоќни природни антиоксиданти и антибиотици. Тоа исто така е и одличен избор на омега-3 масни киселини, а докажано е и дека многу успешно помага во намалувањето на триглицеридите и маснотиите во крвта, истовремено ја спречува и можноста за појава на голем број бактерии во дигестивниот систем, како што е на пример една од најчесто распространетите ешерихија коли.
Маслото од оригано, пак, важи за едно од најефикасните природни средства што спречуваат појава на салмонела и листерија.
