Билетите за првите три концерти на Александра Пријовиќ беа продадени во рок од 24 часа, додека за четвртиот беа потребни нешто повеќе од 48 часа. Пред две недели и официјално беше распродаден петтиот концерт. Таа утре ќе го одржи првиот концерт во загрепската Арена, а потоа ќе пее на 2, 3, 4 и 6 декември годинава.
Билети нема во официјална продажба, но се препродаваат на интернет и се трипати поскапи отколку што беа во слободна продажба.
На„Индекс Огласи“ се појавиле огласи во кои една карта за концертот на 2 декември се продава за 50, 100 и 120 евра
Фановите на Александра Пријовиќ формирале и група на Фејсбук каде што купуваат и продаваат билети за концертите.
