Српскиот актер Лазар Ристовски речиси една година ја криеше врската со колешката Аница Лазиќ. Дури во средината на 2023 година беше откриено дека парот е среќно вљубен и покрај разликата во години која изнесува дури 39 години. Оттогаш нивната љубовна приказна е под лупа на јавноста.
Многумина им предвидуваа брз крах на врската, но се чини дека секој ден сè повеќе уживаат еден покрај друг.
Младата актерка отворено проговори за венчавката и за тоа колку ѝ е важно да ја официјализира љубовта:
– Јас многу не фантазирав да се омажам кога бев девојче, ниту денес тоа ми е многу важно. Јас на тоа повеќе гледам како на форма, а мене ми е поважна суштината. Ние жените сакаме да носиме венчаници. Не страдам по тоа да се омажам, поважно ми е да ја живеам суштината на љубовта, а тоа веќе го имам, му благодарам на Господ – рекла таа, па додала:
– Јас си дадов ветување дека ќе бидам храбра во љубовта, тука не дозволувам да бидам кукавица и секогаш правам онака како што моето срце бара – заклучила таа во емисијата „Премиера“.
Да потсетиме, на почетокот на 2022 година како бомба одекна веста за разводот на Даница и Лазар Ристовски по четири децении љубов. Актерската двојка живееше во хармонија речиси до самиот крај, роди деца, внуци, а блиски луѓе до актерите тврдеа дека тие отсекогаш биле меѓусебна најголема поддршка и луѓе од доверба.
