Српскиот актер Бранислав Лечиќ денеска во утринските часови доживеал сообраќајна несреќа во Белград, поточно во близина на црквата Свети Сава.
Лечиќ за „Б92.нет“ потврди дека во утринските часови доживеал полесна сообраќајна несреќа во близина на црквата Свети Сава.
„Тоа беше обичен градски удар, само мал удар, ништо сериозно. Не беше вистинска сообраќајна несреќа, далеку од тоа“, рекол Лечиќ, а на прашањето дали е повреден, истакнал дека се чувствува добро.
„Ма не, никој не е повреден. Добро се чувствувам“.
Инаку, и на средината на септември минатата година Лечиќ имаше сообраќајна несреќа.
На 15 септември 2024 година сообраќајната несреќа, како што тогаш изјавил за „Б92.нет“, се случила на Газела. Лечиќ удрил во тротоарот, а на помош му пришле и учесници во сообраќајот кои веднаш повикале Брза помош која го пренела во Ургентниот центар.
„Сè уште сум во Ургентниот центар. Повредата не е сериозна, го истегнав левиот лакт, но лекарите инсистираа да направат и ултразвук, скенер и кардиоваскуларен преглед“, изјавил Лечиќ тогаш.
За среќа се испоставило дека тој поминал без посериозни повреди.
