Иако моментално се наоѓаат во самоизолација, како и повеќето познати личности, некогаш најдобрата српска тенисерка Ана Ивановиќ и нејзиниот сопруг Бастијан Швајнштајгер во кругот на семејството го прославија роденденот на нивниот син Лука. Иако приватниот живот го држат подалеку од очите на јавноста, со едноставна фотографија и порака покажаа дека во овие тешки времиња има и место за славење. Славниот пар со своите следбеници на Инстаграм сподели среќен момент од својот живот.
„Среќен роденден љубов наша“, напишаа Ана и Бастијан на своите инстаграм-профили честитајќи го вториот роденден на Лука, а набргу после објавата започнаа да пристигаат бројни честитки кон парот кој за момент го тргнаа вниманието од лошите вести и расположија многумина.
Сепак, не е возможно да се игнорира тешката ситуација која го зафати скоро цел свет, па Ана и Бастијан се придружија на бројните славни личности и ги повикаа своите следбеници да внимаваат на себе и сите околу нив.
„Во овие времиња е важно да водиме сметка за себе и саканите, но и да имаме почит спрема своите соседи. Да останеме на сигурно сега мора да е приоритет. Поради тоа е важно да се однесуваме одговорно и да ги слушаме советите на стручните лица“, напишаа во заеднички потпишаната порака и додадоа дека сите сме одговорни за постарите и болните кои не смеат да бидат изложени на дополнителна опасност.
„Би сакале да ја искористиме оваа можност да се заблагодариме на сите кои помогнаа и на сите лекари кои беа изложени на ризик за да направат се што е во нивната моќ како цел да ги пребродиме овие тешки времиња“, нагласи познатиот пар.
