Модната дизајнерка Мелина Галиќ пред неколку месеци се разведе од фолк пејачот Харис Џиновиќ со кого беше повеќе од две децении во љубов, а во брак 10 години.
Харис сега, неколку месеци по распадот на нивниот брак, ја отвори душата и истакна дека сите негови љубови биле трагични.
– Луѓето полесно кажуваат нешто лошо отколку нешто добро. Ако некого „допреш“, суетата се разгорува, бидејќи не постојат луѓе кои се имуни на тоа – рекол Харис пред камерите на „Гранд“, а потоа се осврнал и на љубовта:
– Ниту една љубов не одеше како што треба, сите беа некако трагични. Не постои човек што греши, прашањето е дали има смисла да се враќаме назад и да ги поправаме грешките што ги направил човекот, а да правиме нови или да останат такви какви што се.
Пејачот истакнал дека не сака да се враќа на старото, а тоа значело и дека не сака после сè да се смири со Мелина.
– Ако нешто се случи, луѓето велат дека тоа е судбина, немаат што друго да кажат. Вокабуларот не е таков за да можат едноставно да ми го објаснат. Не треба да гледате преку рамо, туку каква е сегашноста и иднината. Другото е сосема неважно. Ова зад нас не може никако да се смени – меѓу другото рекол пејачот.
Мелина, да потсетиме, отворено зборуваше дека планира уште едно дете со Харис, покрај ќерката Џина и синот Кан.
– Многу сакаме, се обвинувам што сум неодлучна, требаше да одиме и на трето, што не е исклучено, сакаме… Децата и семејството ни се смислата на животот, дефинитивно, работата и сè друго е на второ место – изјавила Мелина пред неколку години за „Блиц“.
