Младата убава пејачка Полина Тасева беше најдоброто освежување што му се случи на годинешниот фeстивал Макфест. На 18 септември во Штип, таа настапи со песната „Огледало“.
Денес „Огледало“ доби видео запис, а Полина, споделувајќи го со своите следбеници на социјалните мрежи, напиша:
– Најдраги бидете на мојот YouTube канал во 18ч. и премиерно ќе можете да го погледнете видео записот на мојата најнова песна “Огледало”. Со Ангела Богатинова и Владислав Гавриловски се обидовме да ги вклопиме музиката, текстот заедно со движења и танц во видео кое се надевам ќе го задржи вашето внимание.
Погледнете го видеото и веруваме, вниманието ќе ви биде задржано.
насловна фотографија – – ХРИСТИНА ТРАЈКОСКА
