Џејмс Камерон го објави трејлерот за вториот дел на „Аватар“ кој публиката со нетрпение го очекува.
Станува збор за „Патот на водата“ кој е продолжение на блокбастерот од 2009, филм со најголема заработка во историјата.
„Патот на водата“ ќе игра во Синеплекс од 15 декември.
Камерон со години ги развиваше продолженијата на „Аватар“, при што снимањето на „Патот на водата“ почна во 2017 и се одвиваше паралелно со третиот филм, кој треба да излезе во 2024.
Тој исто така работи на четвртиот и петтиот дел, чии премиери се предвидени за 2026 и 2028 година.
Камерон најмногу време потрошил на развивањето филмска технологија за снимање сцени под вода.
