Многу медиуми денеска ја пренесоа веста на угледниот весник „Марка“ дека Кристијано Роналдо, своите хотели во Португалија, Франција и Шпанија ги претворил во болници за лечење на болните од коронавирусот. „Марка“ исто така објави дека Роналдо ќе ги плаќа лекарите и медицинскиот персонал кој ќе се грижи за болните.
Но, неколку часа подоцна, „Марка“ ја избриша веста и од својот сајт и од социјалните мрежи бидејќи станува збор за лажна вест, а исто така немаше никаква потврда од самиот фудбалер.
„Кризата во Португалија не е толку голема за да има недостиг од болници и медицински установи што би се користеле како карантин. Дури и доколку ситуацијата ескалира, постојат бројни државни згради кои многу полесно би биле користени како болница отколку луксузен хотел. Се тврдеше дека престојот на пациентите ќе биде бесплатен, што е глупост, исто како и фактот дека Роналдо би ги плаќал лекарите, што е уште една невистина бидејќи сите медицински лица кои учествуваат во оваа борба се платени од државниот буџет“, објавија португалските медиуми.
The post Веста дека Роналдо своите хотели ги претворил во болници за коронавирус е ЛАЖНА appeared first on Слободен печат.
