Летната сезона за одмор сè уште е во тек, а впечатоците, искуствата и забелешките на туристите не престануваат да се споделуваат на Интернет.
Во екот на летната сезона туристите најчесто се жалат на долгите редици на границите, како и на цените во познатите летувалишта, а фотографијата што неодамна се појави на Фејсбук, им даде повод на корисниците добро да размислат и да се забавуваат.
Имено, на Фејсбук страницата „Подгорички времеплов“објавена е фотографија од сметка издадена на плажата Јаз во Будва, на која, наместо фактуриран производ, пишува „Не сакам ништо“, а наплатено им е на секој по 50 центи.
Додека во коментарите, некои корисници посочија дека оваа практика е нормална низ цела Европа, односно дека самото место во ресторан се наплаќа во зависност од локацијата, други добро се позабавуваа.
„За девојкине од масана карши, од мене за нив испрати ништо“, „Нема ништо да зимам“, „Можам да вдишам? Може…0,50 евра“, „Него како? „Не сакам ништо“ и „дај ми само чаша вода со многу мраз“…Ваквите гости најмногу работа отвараат….Да трчаш со вода, пепелник, дај ми шифра за интернет, донесе ми уште малку мраз , ај погледни го апаратчето како лентата да е при крај, имаш ли да ми „укрупниш“ 50 центи, имам само 40“, “би била финта да направиш коктел и да го наречеш „нејќам ништо“…гласеа дел од коментарите.
