Преубавата Тони Ен Син (23) од Јамајка е новата Мис на светот на изборот кој вечерва се одржа во Лондон.
Круната за најубава жена на светот и ја предала манекенката од Мексико Ванеса Понче де Леона, минатогодишната најубава жена на светот.
Последен пат оваа титула ја понела девојка од Јамајка во 1993 година.
Прва придружничка е прогласена Офели Мезино од Франција, додека трето место зазеде Суман Рао од Индија.
Инаку нашата земја и оваа година остана без своја претставничка на најпрестижниот избор за убавина. Лиценцата од Македонија за овој светски избор ја има Лидија Велковска.
