– Денес времето во Македонија ќе биде сончево и студено со мала локална облачност. Ќе дува слаб ветер од променлив правец. Температурите ќе се искачуваат во интервалот од 0 до 6 степени- вели нашиот метео прогнозер Славчо Попоски.
Во Скопје и околината времето ќе биде сончево и студено. Максималната температура ќе се искачи до околу 2 степени.
Според Попоски, до петок времето ќе се задржи сончево и студено со мала до умерена локална облачност. Утрата ќе бидат студени и тоа особено утре кога минималните температури ќе се спуштаат во интервалот од -12 до -3 степени, додека максималните ќе се искачуваат во интервалот од 0 до 6 степени.
За време на викендот поради јужното воздушно струење ќе има пораст на температурите, а ќе има и повеќе облачност, додека од недела ќе има појава и на повремен локален дожд. Ќе дува и слаб до умерен ветер од јужен и од југозападен правец, додека температурите ќе се искачуваат во интервалот од 5 до 11 степени.
