Еден од најдобрите тенисери на денешницата, реши да купи куќа во Марбела, Шпанија, и тоа истата онаа во која престојувал додека се подготвувал за турнири.
Вилата во Марбела многу им се допаднала на Новак и на неговата сопруга Јелена, така што решиле да ја купат само за себе.
Според информациите од шпанските медиуми, за овој дом тие издвоиле 10 милиони евра.
Вилата е сместена на луксузна локација и има неверојатен поглед на море и планини, кои го опкружуваат местото. Во неа има девет соби и осум бањи, како и две соби за гости. Секако тоа не е сè. Во вилата свое место има и големата вежбалница, собата за билјард и за пинг-понг, домашното кино, како и големиот тениски терен.
Сепак, најспектакуларна е терасата, од која се пружа воодушевувачки поглед кон морето. Инаку, мал увид во вилата Ѓоковиќ даде неколкупати преку фотографии објавени на неговиот инстаграм-профил и може да се види во каков луксуз ќе живеат.
