Зико Олдхам (20) од Велика Британија може да се пофали дека е човекот кој најкратко се занимавал со трговија на наркотици.
Тој е уапсен минатата година на првиот состанок со клиентот и тоа неполни 10 минути откако излегол на улица.
Полиција во цивил здогледала тројца сомнителни момци кои се „обидувале нешто да завршат“ и поради тоа веднаш им ставиле лисици на раце.
Кај Олдхам биле најдени 100 евра во кеш, хероин и кокаин во вредност од околу 650 евра. Во џебот имал и два мобилни телефони, а еден од нив бил наменет за неговите потенцијални клиенти.
Се испоставило дека тој специјален мобилен телефон успеал да прими само еден позив и тоа од момчето со кого биле заедно уапсени.
Неговата адвокатка, бранејќи го на суд рекла дека Зико бил „нов во работата“ и дека веднаш му дошло крајот.
– Неговата мајка дури мисли дека се му е наместено, бидејќи тој бил уапсен само после 10 минути – рекла адвокатката на суд, а пренесува „Мирор“.
