Хари Варешановиќ, попознат како Хари Мата Хари, со години настапуваше во концертни сали, арени и на градски плоштади, додека приватните веселби речиси никогаш не беа дел од неговата кариера. Сепак, се чини дека легендарниот пејач ја променил долгогодишната практика.
Според српските медиуми, во последниот период почнал да прифаќа настапи и на свадбени прослави.
Еден од тие настапи неодамна привлече големо внимание во јавноста, бидејќи токму на истата свадба се случи необичниот инцидент со Радиша Трајковиќ Ѓани, кого еден гостин го гризнал за стомакот, по што пејачот морал да побара лекарска помош.
На истата свадба настапил и Хари Мата Хари, кој бил специјално изненадување за младенците. Според наводите, неговото присуство било голема желба на невестата, која сакала токму неговите хитови да бидат дел од еден од најважните денови во нејзиниот живот.
„Невестата уште од почетокот сакаше Хари да пее на свадбата. Неговите песни имаат посебно место во нејзиниот живот и не сакаше да прави компромис. Организаторите успеаја да ги усогласат сите детали и Хари прифати да настапи. Гостите беа воодушевени, ги испеа своите најголеми хитови, атмосферата беше фантастична и речиси сите пееја заедно со него“, изјавил извор запознаен со организацијата на свадбата.
За разлика од многу свои колеги кои редовно споделуваат снимки од приватни прослави, Хари наводно имал само едно барање до организаторите.
Тој побарал за време на неговиот настап да не се снима и да не се објавуваат видеа на социјалните мрежи. Организаторите ја испочитувале неговата желба, па на интернет речиси и да нема снимки од настапот.
