Српската пејачка Анѓела Игњатовиќ, попозната како Бресквица, не ја крие среќата поради новата љубов, но и понатаму одлучно го чува приватниот живот далеку од очите на јавноста.
Пејачката вели дека е емотивно исполнета како никогаш досега и дека нејзиниот партнер е заслужен за позитивните промени што ги чувствува.
„Знам само дека сум многу среќна, никогаш не сум била посреќна и никогаш не сум изгледала поубаво. Тој е заслужен за тоа“, изјави Бресквица.
Таа додава дека љубовта се одразува и на нејзиното расположение.
„Дури сега сфатив како љубовта се одразува на човекот. Никогаш не сум била порасположена и посреќна“, рече пејачката.
Бресквица неодамна откри дека нејзиниот избраник е навикнат на динамиката што ја носи нејзината професија, но не сака да биде дел од јавниот живот, а таа целосно ја почитува неговата желба.
„Партнерот е со мене, заедно со музичарите сме како семејство. Тој од самиот почеток знаеше со кого започнува врска. Не сака да се експонира во јавност и јас тоа го почитувам. Најважно ни е што не мораме да се криеме“, изјави таа.
Пејачката додаде дека верува оти најубавите работи треба да останат далеку од јавноста.
„Мислам дека најубаво е сè што не се знае. Зафатена сум и среќна“, порача Бресквица.
Српските медиуми неодамна објавија дека нејзиниот нов партнер е успешен бизнисмен од Белград, кој важи за еден од најпосакуваните ергени во српската престолнина. Според нивните информации, тој има околу 30 години, живее во елитна белградска населба и е добро познат во тамошниот ноќен живот, но засега не сака јавно да се појавува со пејачката.
