Познатиот пејач Ед Ширан е прогласен за британски уметник на деценијата од страна на Official Charts Company, или таканаречената организација за топ-листи на Велика Британија.
Во периодот помеѓу 2010 и 2019 година 12 синглови и албуми на Ед Ширан долго време беа на врвот од светските топ-листи – повеќе од кој било друг уметник. Ширан исто така е музичарот кој најмногу недели (дури 79) бил на првото место на топ-листите за албуми како и на топ-листите за синглови во последните 10 години.
на листите
Најголемиот хит на 2010-тите беше „Shape Of You“ која 14 недели беше на првото место на топ-листите и се продаде во повеќе од 4,5 милиони примероци.
Shape Of You е еден од трите синглови на Ширан на листата на петте најдобри на крајот на деценијатa. „Thinking Out Loud“ е на број три, додека „Perfect“ е на петтото место.
Исто така, тој им се заблагодари на фановите за љубовта и поддршката на Инстаграм.
Ширан вкупно 38 недели бил на првото место на табелите за синглови и продал 53,8 милиони песни. Неговите песни биле пренесувани 4,6 милијарди пати само во Велика Британија.
